Bu gün 3 idmançımız çıxış edəcək
04.08.2024 , 12:00
Bu gün Paris-2024 Yay Olimpiya Oyunlarında 8-ci gündür.
Korner.az xəbər verir ki, bu gün Azərbaycanın üç idmançısı çıxış edəcək.
Güllə atıcılığı
Azərbacan atıcısı Ruslan Lunyov 25 metr məsafədən atəşaçmada yarışacaq. Təsnifat mərhələsinə saat 11:00-da start veriləcək.
Atletika (qadınlar, çəkicatma)
Azərbaycan atleti Anna Skidan mübarizəyə start verəcək. O, çəkic atma növündə təsnifat mərhələsində qüvvəsini sınayacaq. Bu mərhələ saat 12:20-də başlayacaq.
Boks
Azərbaycan boksçusu Alfonso Dominqes (92 kq) yarımfinal görüşünə çıxacaq. O, ispaniyalı Emmanuel Reyes Pla ilə qarşılaşacaq. Döyüşün saat 15:08-də başlaması nəzərdə tutulub.
