“Qarabağ”ın qazandığı bu tarixi uğurun şahidi olduğumuz üçün çox sevincliyik. Bu nailiyyət Azərbaycan futbolunda yazılmaqda olan böyük tarixin ilk sətirləridir. “Qarabağ” uğura doğru səbrlə, addım-addım irəlilədi və nəhayət, hər birimizin arzuladığımız sevinci bizə yaşatmağı bacardı”.
Bu sözləri AFFA prezidenti Rövnəq Abdullayev “Qarabağ”ın Çempionlar Liqasının qrup mərhələsinə yüksəlməsinə münasibət bildirərkən deyib.Qurumun rəsmi saytına açıqlama verən R.Abdullayev Azərbaycan futbolunda bir ilkə imza atan “Qarabağ”ı təbrik edib:”Klubun rəhbərliyini, məşqçilərini, inzibati heyətini, futbolçularını və təbii ki, bütün oyunlarda komandaya inanan, dəstəyini əsirgəməyən azarkeşləri bu zəfər münasibətilə təbrik edirəm. Azərbaycan futbol ictimaiyyəti adından “Qarabağ”a Çempionlar Liqasının qrup mərhələsində uğurlar arzulayıram”.
