"Bu gün əla oyun oynayıb möhtəşəm qələbə qazandıq. Azarkeşlərimizə isə söz ola bilməzdi".
Bu sözləri Korner.az-ın "Dalğa Arena"ya ezam olunmuş müxbirinə oyundan sonra açıqlamasında "Neftçi"nin futbolçusu Bruno Bertuççi deyib. Bakı şəhərinə heyran olduğunu vurğulayan braziliyalı sözlərinə bu cür davam etdi:
"Möhtəşəm qələbə qazanaraq Tiflisə üstünlüklə yollanacağıq. Ümid edirik ki, Gürcüstanda da qələbə qazanıb, azarkeşlərimizə iki-qat sevinc bəxş edəcəyik. Çünki onlar bu gün bizə inanılmaz dəstək verdilər".
