“Brentford” “Qalatasaray”ın futbolçusunu transfer etmək istəyir
18.02.2026 , 14:30
“Qalatasaray”ın üzvü Roland Şallainin İngiltərəyə transfer ehtimalı gündəmdədir.
Korner.az Türkiyə mətbuatına istinadən xəbər verir ki, “Brentford” macarıstanlı futbolçunu heyətinə cəlb etmək istəyir.
28 yaşlı oyunçu əsas mövqeyi sağ cinah olsa da, hücum xəttinin kənarlarında da effektiv çıxış edə bilir.
Xəbərdə bildirilir ki, İngiltərə klubu Şallainin keçidini yay transfer dönəmində reallaşdırmağı planlaşdırır.
Xatırladaq ki, “Qalatasaray” futbolçunu 2023-cü ilin yayında “Auqsburq”dan 6 milyon avro qarşılığında transfer edib.
