Yunanıstanın “Kalloni” klubunun braziliyalı yarımmüdafiəçisi Leozinyo Azərbaycandan təklif alıb.
Korner.az-ın məlumatına görə, 28 yaşlı yarımmüdafiəçi qış fasiləsində klublarımızdan birinin maraq dairəsində olub.
Hətta həmin klub “Kalloni”yə 250 min avro və braziliyalı futbtolçunun özünə çox yaxşı müqavilə təklif edib. Lakin klub prezidenti Nikos Mixalakis son anda Leozinyonu satmaqdan imtina edib. O, bunu futbolçunun komandanın əsas hissəsi olduğunu və mövsümümün sonuna qədər gərəkli olması ilə izah edib. Leozinyonun cari mövsümün sonunda Azərbaycana gəlməsi gözlənilir.
Qeyd edək ki, futbolçu 2011-ci ildən “Kalloni”də çıxış edir (96 oyun, 28 qol). O, əvvəllər Braziliyanın “Vasko da Qama”, “Sport Rekife”, “Treze”, Almaniyanın “Ayntraxt” (Braunşveyq), Yunanıstanın “Olimpiakos”, OFI, Apollon və “Panserraikos” klublarında çıxış edib. Leozinyo 2010-cu ildə Braziliyanın U-20 yığmasına çağırılıb.
