Böyükağa Hacıyev APOEL – "Neftçi" oyunu öncəsi mətbuat konfransı keçirir. Hacıyevin fikirlərinin ən maraqlı məqamlarını hissə-hissə diqqətinizə çatdırırıq.
– Şans onların tərəfində idi. Birinci hissədə "Neftçi“ epizodlar yaratdı. Sonlara doğru kobud səhv buraxdıq. İki bir-birindən fərqli rəqib oynayacaq sabah. APOEL-in özünəməxsus dəst-xətti var. Amma onlar da unutmamalıdı ki, “Neftçi”yə qarşı oynayacaq. Sabah Azərbaycan futbolu üçün bayram olacaq.
– Onların məşqçisinə demək lazımdı ki, arxı hoppanmamış “hop” deməsin. Mən Bakıda onun səsini eşitmədim. Avropa səviyyəli çalışdırıcıdısa, özünə hörmət etməlidi.
– Mən ötən dəfə də dedim, müdafiədə oynamıram. Ya vur, ya mən vurum prinsipi. Sabah da müdafiədə diqqətli olmaqla hücum futbolu oynayacağıq.
– Mənim komandamda bu oyunun taleyini həll edə biləcək çox futbolçu var.
– Komandamdan narazılığım yoxdu.
– Futbolu siyasətə qarışdırmayın. Bayrağa qalsa, biz də bura Azərbaycan və Türkiyə bayrağı ilə gəlmişik. Biz türkük! 20 min yunan azarkeş bizi qorxuda bilməz! Çalışacağıq ki, sabah həmin 20 min azarkeş "Neftçi" azarkeşinə çevrilsin və bizi burdan alqışlarla yola salsın.
