Sabah Avropa Liqasının pley-off mərhələsinin oyunları keçiriləcək.
Korner.az-ın məlumatına görə, "Neftçi” cavab oyununda "Partizan”la üz-üzə gələcək. Bu oyundan öncə "Neftçi”nin baş məşqçisi Böyükağa Hacıyevin mətbuat konfransı keçirilib. Təcrübəli məşqçi bunları dilə gətirib:
"Neftçi” tarixində çox vacib oyuna çıxır. 2 il öncə "Neftçi” Kipr klubunu məğlub etmişdi və bizi sizin qarşısınızda peşman etmədi. "Partizan” çox yaxşı komandadır. Mətbuatdan oxuduğumuz xəbərlərə görə, "Partizan”ın maliyyə problemi var. Amma komanda Bakıya çarter reysi ilə gəlib. Bütün bunlar klubun durumunu göstərir. Sabahkı oyunla bağlı hər hansı bir problemimiz yoxdur"
Böyükağa Hacıyev, həmçinin, azarkeşlərə müjdə verib:
"Müdafiənin ən təcrübəli oyunçulardan biri Kardozo oynayacaq. Kardozonun dönüşü çox boşluqları aradan qaldıracaq. Biz məsuliyyəti dərk edirik. Ümid edirik ki, Avropa Liqasının qrupunda olacağıq”.
