Topaz Premyer Liqasının 32-ci turunda “Qarabağ” “Neftçi” ilə 1:1 hesablı heç-heçəyə razılaşıb.
Korner.az “Neftçi”nin baş məşqçisi Böyükağa Hacıyevin oyundan sonra mətbuat konfransında verdiyi açıqlamanı sizə təqdim edir:
“Araz, Nfor, Mirhüseyn və Bahodir cəzalıydı deyə çətinlik çəkdik. Heç-heçəlik oyun deyildi. Şehiçin epizodu qırmızı vərəqlik idi. İstəyərəm ki, “Qarabağ” avrokuboklarda uğurumuzu təkrarlasın. Bu heyətlə də qrupa düşməsələr, nə vaxt düşəcəklər? Komandamızda Azərbaycan futbolunun qaymaqları yetişir. Biz onlara şans veririk. Qalan hər şey özlərindən asılıdır. “Neftçi”nin bütün uğursuzluqlarının səbəbkarı mənəm. Futbolçu zədələnirsə, bunun da günahkarı mənəm. Deməli, hazırlığı düzgün keçməmişəm”.
