Avropa Liqasının qrup mərhələsi çərçivəsində “Partizan”la keçirilən oyun barədə “Neftci” komandasının baş məşqcisi Böyükağa Haciyev fikrilərini bildirib.
Korner.az– ın Apasport.az saytına istinadən məlumatına görə, məşqçi nəticədən razı qalmadığını söyləyib:
“Bu gün “Neftçi” 1 xal qazanmadı, 2 xal itirdi. Avropa qrup mərhələsində futbolçular debütantdırlar, bir az gec ayıldılar. “Partizan” təsəvvür elədiyimdən da zəifdir. Çox təəssüf ki, qədim tarixi olan "Partizan" bu gündədir. Düzdür, bu gün 3 xal qazanmadıq, amma sizə verirəm ki, “Partizan”la Bakıdakı oyunda 3 xal öz cibimizdədir. Azərbaycanda "Neftçilər günü"dür. Biz də neftçiləri təmsil edirik. Şəxsən Dövlət Neft Şirkətinin rəhbəri Rövnəq Abdullayevə və 80 min işçisi olan bu şirkətə həsr edirəm bu uğuru.”
Haciyev oyundan sonra yaşanan qalmaqal haqda da danışıb:
“Oyundan sonra yaşananları heç belə təsəvvür etməzdim. Çox təəssüflər olsun ki, oyundan sonra bizə qarşı azarkeşlər tərəfindən belə hərəkətlər oldu. Bizdə Saşa Stamenkoviç və onun məşqçisi serbdir. Soruşun, görün, biz azərbaycanlılar onlarla necə rəftar edirik, serblər özləri necə.”
