Topaz Premyer-liqasının X turu çərçivəsində keçirilmiş "Rəvan"-"Neftçi" oyunundan sonra baş məşqçilər matçla bağlı fikirlərini bildiriblər.
"Rəvan"nın baş məşqçisi Kemal Alispahiç: "Neftçi" ilə oyuna görə əla nəticədi. Hiss olunurdu ki, komanda səfərdən yorğun gəlib. "Neftçi" Azərbaycanda iki ən yaxşı komandadan biridir. Topla yaxşı oynadıq. Rəqibin oyunçularını yaxşı bağladıq. "Neftçi"nin "Partizan" və "Rubin"lıə oyunlarına baxmışdım. O irəli çıxanda müdafiədə boşluq buraxan komanadadı, biz də bundan yararlandıq".
"Neftçi"nin məşqçisi Tərlan Əhmədov: "Komanda yorğun idi. "Rubin"lə oyundan iki gün sonraya komandanı kökləmək çətin idi. Üstəlik, süni örtüklü meydançada oynamaq işimizi daha da çətinləşdirdi".
Qeyd edək ki, "Neftçi"nin baş məşqçisi Böyükağa Hacıyev oyundan sonra səhhətində problem yarandığı üçün mətbuat konfransına gəlməmişdi. Bu barədə məşqçi Tərlan Əhmədov məlumat verdi.