“Borussiya” 17 yaşlı braziliyalı müdafiəçini transfer edir
19.02.2026 , 13:31
Almaniya Bundesliqasında növbəti transfer gerçəkləşmək üzrədir.
Korner.az xarici KİV-ə istinadən xəbər verir ki, Braziliyanın “Kruzeyro” klubunda çıxış edən Kaua Prates karyerasını “Borussiya”da davam etdirəcək.
Xəbərdə bildirilir ki, Almaniya təmsilçisi 17 yaşlı sol cinah müdafiəçisinin keçidi ilə bağlı razılıq əldə edib.
Gənc futbolçu tibbi müayinədən keçmək üçün artıq Almaniyaya yola düşüb. Razılaşmaya əsasən, “Borussiya” bu transfer üçün Braziliya klubuna 7 milyon avro sabit ödəniş və 5 milyon avro bonus verəcək. Prates yayda yeni komandasının düşərgəsinə qoşulacaq.
Qeyd edək ki, o, cari mövsümdə əsas komandanın heyətində 5 rəsmi oyuna çıxıb və 1 qolla yadda qalıb.
