“Bu qələbə ilə çempionluğa bir addım da yaxinlaşdıq. Komandamın oyun nizam-intizamı məni qane etdi”.
Korner.az-ın məlumatına görə, bu sözləri “Qarabağ”ın baş məşqçisi Qurban Qurbanov “İnter” qələbəsindən (2:0) sonra deyib.
Topaz Premyer liqasının 31-ci turu çərçivəsində keçirilən matçdan sonra jurnalistlərin suallarını cavablandıran Qurbanov bunları qeyd edib:
“Düşünürəm ki, yaxşı qələbə qazandıq. Onlara qarşı daha 3 oyunumuz olacaq. Çətin olacaq. Ola bilər, bizə qarşı neyisə gizlətdilər. Ona gorə də, yarımfinalda bizi çətin bir rəqib gözləyir. Bu oyun heç bir oyunçumu rahatlatmamalıdı ki, qarşıdaki oyunda da eyni qələbə qazanılacaq
Bonilla bizim maraq dairəmizdə deyil. Ümumiyyətlə hansısa klubdan icarəyə oyunçu götürmək düzgün deyil. Heç “Zirə” də istəməz ki, hansısa oyunçusunu icarəyə versin və Allah eləməsin o da avrokuboklarda iştirak edən komandaların hansınınsa heyətində zədələnsin”
