“Avro-2016″nın seçmə mərhələsi çərçivəsində sabah millimiz Bolqarıstan yığmasına qonaq olacaq.
Korner.az-ın məlumatına görə, “Vasil Levski” sadionunun kassalarında bizə verilən məlumatda oyuna 13 min biletin satıldığı deyilmişdi.
Ancaq bu gün bolqar jurnalistlər belə düşünmür. Belə ki, həmkarımız sabahkı matçda tribunalara maksimum 500 nəfərin gələcəyini iddia edib:
“Azarkeşlər millidən üz döndərib. Uzun illərdi heç bir nəticə yoxdu. Hər cür şərait yaradılır, ən yaxşı maddi imkan verilir, rəğbət və sevgi çoxdu. Ancaq nəticə qazanılmır. Hər oyun keçdikcə nəticə zəifləyir. Üstəlik, oyun da yoxdu. Sanki futbolçular bilərəkdən oynamır. Sadə bir statistikaya baxın: Bolqarıstan millisi seçmə mərhələdə yalnız Malta və Cəbəllüttariq yığmalarında çox qaçıb. Meydanda rəsmən yeriyirlər. Millimizin qapıçısının verdiyi dəqiq ötürmə sayı, meydandakıların 4-ündən daha çoxdu. Əməlli-başlı xaos sürür. Komanda dağınıq vəziyyətdədi. Azarkeşlər bu milliyə tribunadan dəstək olmaq istəmirlər. Beziblər hər şeydən. Kassada sizin Azərbaycanda gəldiyinizi bilib elə məlumat veriblər. Mən sizə deyim, bilin: bu gün kassadan cəmi 17 bilet satılıb. Sabah matça 500 nəfər gəlsə, böyük şeydi”.
