Boksçumuzdan inamlı qələbə
04.03.2025 , 13:26
Azərbaycan boksçusu Zidan Hümbətov (54 kq) Monteneqronun Budva şəhərində gənclər arasında keçirilən dünya kuboku statuslu “Adriatik incisi” beynəlxalq turnirinə qələbə ilə start verib.
Korner.az xəbər verir ki, yarışın ilk günündə rinqə çıxan idmançı 1/8 finalda qazaxıstanlı Almaz Nurlanı 3:1 (28:28, 29:28, 28:29, 30:27, 29:28) hesabı ilə məğlub edib.
Hümbətov növbəti görüşündə İlgiz Korqonbayevlə (Qırğızıstan) gücünü yoxlayacaq. Döyüş martın 6-da baş tutacaq.
Azərbaycan millisi martın 9-da başa çatacaq yarışa 3 oğlan, 4 qız boksçu ilə qatılıb.
