Boksçumuz finalda!
04.08.2024 , 15:46
Azərbaycan boksçusu, dünya çempionu (2021-ci il) Alfonso Dominges (92 kq) Fransanın paytaxtı Parisdə keçirilən Yay Olimpiya Oyunlarında yarımfinal görüşünə çıxıb.
Korner.az xəbər verir ki, təmsilçimiz yarımfinalda ispaniyalı Emmanuel Reyes Pla ilə qarşılaşıb və 4:1 hesabı ilə qalib gələrək finala yüksəlib.
Beləliklə, o, ən pis halda gümüş medalı təmin edib.
Dominges finalda Lalizbek Mullojonov (Özbəkistan) – Davlat Boltaev (Tacikistan) cütünün qalibi ilə qarşılaşacaq. Bu döyüşün bu gün Bakı vaxtı ilə saat 19:38-də start götürməsi planlaşdırılıb.
Final döyüşü isə avqustun 9-u Paris vaxtı ilə saat 22:24, Bakı vaxtı ilə 10 avqust saat 00:34-də başlanacaq.
