Boksçumuz beynəlxalq turnirdə yarımfinala yüksəlib
06.03.2025 , 13:46
Azərbaycanın gənc bokçusu Banuçiçək Nəsirli (48 kq) Monteneqronun Budva şəhərində keçirilən Dünya Kuboku statuslu “Adriatik incisi” beynəlxalq turnirində yarımfinala yüksəlib.
Korner.az xəbər verir ki, idmançı 1/4 finalda qazaxıstanlı Aiym Tankibayeva ilə üz-üzə gəlib.
Görüş Nəsirlinin qələbəsi ilə başa çatıb – 3:2 (29:28, 28:29, 29:28, 29:28, 27:30). O, yarımfinalda Natalya Nieviadomska (Polşa) ilə döyüşəcək. Görüş martın 7-də olacaq.
Nəsirli yarımfinala yüksəlməklə özü üçün azı bürünc medalı təmin edib.
