Bolqarıstanın paytaxtı Sofiyada boks üzrə ənənəvi “Strandja” turniri başa çatıb.
Korner.az-ın məlumatına görə, millimiz turnirdə 2 qızıl və 1 gümüş qazanıb.
Kişilərin turnirində mübarizə aparan Elvin İsayev (60 kq) həlledici görüşdə Ermənistan boksçusu Samvel Barseqyanı məğlub edərək, qızıl medala sahib çıxıb. 64 kq çəki dərəcəsində mübarizə aparan Lorenzo Sotomayor da komanda yoldaşının uğurunu təkrarlayıb. Milli komandamızın üzvü finalda özbəkistanlı Faziliddin Qaibnazarov üzərində inamlı qələbə qazanıb – 3:0. Qadınların yarışında Yelena Vıstropova isə (64 kq) fəxri kürsünün ikinci pilləsində qərarlaşıb. Avropa çempionu finalda İsveç nümayəndəsi Aqnes Aleksiussona məğlub olub – 0:2.