Topaz Premyer Liqasının VII turu çərçivəsində "Bakı" səfərdə "Sumqayıt"ın qonağı oldu. Qarşılaşma Sumqayıt təmsilçisinin 1:0 hesablı qələbəsi ilə yekunlaşdı.
Korner.az-ın məlumatına görə, "Bakı"nın baş məşqçisi Bojidar Bandoviç oyundan sonra keçirilən mətbuat konfransında məğlubiyyəti şərh edib:
“Ötən həftə “Neftçi” kimi güclü rəqibi məğlub etmiş komandaya qarşı oynadıq. Oyuna yaxşı başladıq, ilk hissədə üstün oynadıq. Oyunumuzda çatışmayan qol idi. Rəqibin qapımıza doğru ilk həmləsi qolla nəticələndi. İkinci hissədə daha üstün oynadıq, hücumları artırdıq, lakin buraxdığımız qol oyunumuza təsir etdi. 2-3 dəfə real qol imkanından yararlana bilmədik. Rəqib də bizi əks-hücumda tuta bilərdi. Ən azı bir qol vurmalı idik. Artıq qarşıdakı oyunlara köklənib, qələbə qazanmalıyıq”.
