Futbol

“Böhran içindəyik” – Zaur Svanadze

28.10.2017 , 13:25

 “Oyuna şərh vermək çox çətindi”. Bu sözləri “Keşlə”nin baş məşqçisi Zaur Svanadze deyib.
 
Bu gündən yeni adla meydanda çıxan paytaxt təmsilçisi Premyer Liqanın X turunda öz meydanında “Kəpəz”ə məğlub olub.
 
Oyundan sonra baş tutan mətbuat konfransında iştirak edən təcrübəli mütəxəssis fikirlərini bildirib: “Demək olar ki, pis oynamadıq. Yaxşı imkanlarımız olsa da, yararlana bilmədik. Belə deyək, böhranın içindəyik. Bu vəziyyətdən çıxmaq üçün nəyisə dəyişmək lazımdı. Əgər geridönüşü gec etsək, bizim üçün çətin olacaq”.
 
-Nə kimi dəyişikliklər etmək istəyirsiniz?
-Mən futbolçuların sayını nəzərdə tuturam. Son bir ayda çempionat oyunları 10-12 futbolçunun üzərinə düşüb. Bir daha təkrar edirəm, yanvar ayına qədər bizim üçün çətin olacaq. Bu gün Nizami Hacıyev oynadı, amma o, hazır deyildi. Ötən oyunda Denis, bu oyunda isə Skarlatake forma geyinmədi. Əgər əsas oyunçu zədlənirsə, bizə ciddi təsir göstərir. Futbolçu olmadığına görə Tərlan Quliyevi sağda oynadıram, lakin o sol cinahda oynamağı sevir.
 
– Bəllidi ki, futbolçuların maaşları gec-gec verilir. Necə düşünürsünüz, maaş almayan futbolçu oynamamaq üçün zədələndiyini bəhanə edə bilərmi?
– Düşünmürəm. Lakin futbolçular adından da danışa bilmərəm. Məncə, bu, əsas səbəb deyil.
 
– Komandanın prezidenti Zaur Axundov ciddi şəxs kimi tanınır. Maraqlıdı, o, məğlubiyyətlərə necə reaksiya verir?
– Zaur müəllim klubdakı vəziyyəti bilir. Başqa çıxış yolumuz yoxdu, yanvardan sonra heyət gücləndirilməlidi.

Son yazılar

Yuxarı