Boatenq “Bavariya”ya qayıdır
16.10.2025 , 10:15
Almaniya millisinin və “Bavariya”nın sabiq müdafiəçisi Jerom Boatenq karyerasını məşqçi kimi davam etdirmək istəyir.
Korner.az xarici KİV-ə istinadən xəbər verir ki, 35 yaşlı keçmiş futbolçu yaxın zamanda Münhen klubunda təcrübə keçəcəyini bildirib:
“Yaxında “Bavariya”ya qayıdıb, Vensan Kompaninin rəhbərliyi altında təcrübə proqramında iştirak edəcəyəm. Artıq onunla bu barədə danışmışıq və prosesi səbirsizliklə gözləyirəm. Hazırda yalnız uyğun vaxtı müəyyənləşdirmək qalır”.
Qeyd edək ki, Jerom Boatenq 2011–2021-ci illərdə “Bavariya”nın heyətində çıxış edib və klubla bir çox titullar qazanıb. O, Almaniya millisində 76 oyun keçirib və 1 qol vurub.
