FİFA prezidenti Yozef Blatter martda keçiriləcək başqanlıq seçkilərinə niyə qatılmaqda israrlı olduğuna aydınlıq gətirib.
Korner.az-ın məlumatına görə, 78 yaşlı Blatter milli assosiasiya rəhbərlərinin təkidi ilə 5-ci dəfə prezident seçilmək istədiyini bildirib.
“Hazırda bu posta məndən daha layiqlisi yoxdur” – deyən Blatter UEFA daxilində onu istəməyənlərə ismarıc göndərib: “Məni bu postda görmək istəməyənlərin hamısı orda toplaşıb. FİFA prezidenti olmağımı istəmirlərsə, buyursunlar, seçkilərə qatılsınlar. Ancaq onların buna cəsarəti çatmaz. Gücləri çatmayan işə iddia etməsinlər, imkan versinlər, işimi davam etdirim. Futbol – komanda oyunudur. UEFA-ya üzv olan federasiyalara, xüsusilə də bu quruma rəhbərlik edənlərə, yerimə göz dikənlərə səslənirəm: “Gəlin komanda olaq!”
