Dünya Çempionatı

Blatter Rusiya əleyhdarlarına “dirsək” göstərdi

20.04.2015 , 10:49

FİFA prezidenti Yozef Blatter Rusiyanın DÇ-2018-ə hazırlığını yüksək qiymətləndirib.

Korner.az-ın məlumatına görə, Blatter təşkilatçılıq hüququnun Rusiyadan alınmasını istəyənlərə də sərt ismarıclar göndərib.

“Rusiyanın hazırlığı məni qürurlandırır. Həm prezident Vladimir Putin, həm də onun komandasının gördüyü işlər təqdirəlayiqdir. 40 ildir FİFA-dayam və bu, mənim 10-cu dünya çempionatım olacaq. Hiss edirəm ki, budəfəki çempionat möhtəşəm keçəcək. Kimlərsə təşkilatçılığın Rusiyadan alınmasını istəyir. Bizim onlara cavabımız birdir: biz futbolla məşğul oluruq və siyasətin ona müdaxiləsinə heç bir halda yol vermərik. Əsas odur ki, çempionatın Rusiyada keçirilməsini rus xalqı istəyir. Mən bunu hiss edirəm. Hazırlıq plan üzrə gedir və heç bir şey çempionatın Rusiyada keçirilməsinə mane ola bilməz. Doğrudur, ölkənin iqtisadi durumu əla deyil, ancaq bilirəm ki, düzələcək”, – deyə Blatter bildirib.

Son yazılar

Yuxarı