"Çempionatda bizim üçün ən gərgin oyunlarından biri oldu. Hesabda geri düşdük. Düzdü tezliklə irəli çıxdıq. Ancaq təhlükə hər an var idi. Çempionatın sonuna yaxın futbolçularda həyəcan çoxalır. Ehtiyyatlı olmağa çalışacağıq. Çox vacib üç xalı qazandıq. Yorğunluq həddidən artıq çox idi"
Korner.az-ın məlumatına görə, bu sözləri "Qarabağ"ın baş məşqçisi Qurban Qurbanov TPL XXIV turu çərçivəsində keçirilən "Kəpəz"lə (2:1) oyundan sonra deyib.
Ağdamlıların çalışdırıcısı jurnalistlərin suallarını cavablandırıb:
– Riçard və Bədavinin durumu necədi?
– Dəqiq bir şey deyə bilmərəm. Bunu zaman göstərəcək. Bədavidə ikinci dərəcli dartınma aşkar olunmuşdu. Oyuna qədər vaxtımız var. Ancaq şanslar bərabərdi. Hazır ola da bilər, olmaya da. Riçardın vəziyyəti haqda da onu deyə bilərik. Hələki bizə qoşulmayıblar.
– "Qəbələ" ilə oyunun nəticəsi haqda oyun gedişatında məlumatınız var idi?
– Mən özüm oyundan sonra bildim. O barədə düşünmürdük. Futbolçulara da onu tapşırmışdım. Meydana çıxıb oyunumuzu oynadıq.
– "Neftçi" Azərbaycan Kubokunun cavab oyununda 3-dən çox qol vurmaq istəyir. Nə deyə bilərsiz?
– Mən heç nə deyə bilmərəm. Futbolçularım ilk oyunda necə məsuliyyətli idisə, cavab oyununda da elə olacaq. "Neftçi" təhlükəli komandadı. "Neftçi" daha sərbəst oynayacaqlar. Hesabın bizə rahatlıq verməsi mümkündü. Həm də yorğun olmaq amili də var. Ola bilsin ki, mənim üçün futbolçuları bu oyuna motivasiya etmək çətin olsun.
– Komandada hansı çatışmazlıqlar var? Heyətə nə kimi əl gəzdirmək fikriniz var?
– Mən hər il bu haqda sizə məlumat verə bilmərəm. Hər komandanın çatışmazlıqları mütləq olmalıdı. Bizdə də var. Bunu aradan qaldırmalıyıq. Dəyişiklər edəcəyik. Nə dərəcədə alınacaq, deyə bilmərəm. Vaxtımızın çox olması bizim üçün müsbət amildi.
– Qara Qarayevi komandadan göndərmək fikriniz var?
– Onun transferi haqda nə məktub, nə də təklif var. Ciddi müzakirə olunası mövzü deyil.
