Rusiya millisinin futbolçusu Vladimir Bıstrov "Sport-Ekspress" qəzetinə müsahibə verib.
Korner.az həmin müsahibəni ixtisarla diqqətinizə çatdırır.
– Ehtiyat oyunçular skamyasından oyun neçə görünürdü?
– Hamımız narahat idik, üstəlik, çoxlu qol imkanlarımız vardı, ancaq top tora daxil olmurdu.
– İstəyirdin ki, dərhal meydana çıxıb komandana kömək edəsən?
– Bilirdim ki, lazım olduğum anda meydana buraxılacam. Buna görə də maksimum hazır olmağa çalışırdım.
– Rəqibi sıxacağınıza əmin idiz?
– Şübhəsiz. Yeri gəlmişkən, meydana çıxan kimi yaxşı epizod yaxaladım. Ancaq o epizodda özüm zərbə vurmaq əvəzinə, ötürmə etdim.
– Ancaq çox keçmədən penalti qazanmaqla səhvinizi düzəltdiz. Hamı mübahisə edir: penalti yüzfaizlik idimi? Sizin özünüzə necə gəlir?
– Qayda pozuntusu yüz faiz var idi. Amma onun harda olduğu hakimin səlahiyyətində olan məsələdi. Hakim "nöqtə"ni göstərəndə hamımız dərindən ah çəkdik.