Moskva “Spartak”ının sabiq prezidenti Andrey Çerviçenko “Sport-Ekspress” nəşrinə müsahibəsində Rusiyada hakimliyin səviyyəsindən danışıb.
Korner.az-ın məlumatına görə, Çerviçenko bildirib ki, hakimliyin səviyyəsi normaldı, ancaq bəzi hakimlər müəyyən komandaların oyunlarında qərarları öz istəklərinə uyğun verirlər.
Sitat: “Onların bu davranışı mənə çatmır. Bunu səhv kimi qəbul etmək də olmur. Bir-ikisini tutub “içəri” atmaq lazımdı ki, o birilərə dərs olsun”.
Çerviçenko hakimlərin qiymətlərinin açıqlanmaması məsələsinə də toxunub: “Başa düşə bilmirəm ki, niyə belə edirlər. Gərək hakimlər izah eləsinlər ki, niyə oxşar epizodlarda fərqli qərarlar çıxarırlar. Aydın məsələdi ki, bulanıq suda balıq tutmaq yaxşı şeydi, amma onlar nəsə başqa şey tuturlar”.
