“Bilirik ki, bu oyuna maraq böyükdür” – Qurban Qurbanov
16.08.2022 , 12:21
Sabah Çempionlar Liqasınin pley-off mərhələsinin ilk görüşündə “Qarabağ” Çexiya “Viktoriya”sı ilə qarşılaşacaq.
Korner.az-ın məlumatına görə, matçdan öncə Ağdam klubunun çalışdırıcısı Qurban Qurbanov jurnalistlərin sullarını cavablandırıb;
– Qrupa gedən yolda son sınağımızdı. Fərqli-fərqli rəqiblərə qarşı oynadıq. Bu komanda digərlərindən tam fərqlənir. Ümumiyyətlə mən Çexiya klublarının oyunlarını, nizam-intizamlı olmasını həmişə vurğulamışam. Amma hər bir halda biz bu cür komandalara qarşı oynamışıq. Böyük ehtimal biz bu oyunlarda daha çox güc sərf etməli olacağıq. Çalışacağıq ki, bu son sınaqdan yaxşı nəticə qazanaq və azarkeşlərimizin inamını doğruldaq. Bilirik ki, bu oyuna maraq böyükdü.
– 6 il əvvəl də bu komanda ilə qarşılaşmışdıq bu komanda ilə. Acı xatirələriniz var bu komanda ilə oyunlarda. 6 il əvvəlki “Viktoriya” ilə indiki arasında nə kimi fərq var?
Bəli, biz bu komandaya qarşi oynamısdıq və iki oyunun nəticəsinə əsasən məğlub olmuşduq. Çox geriyə qayıtmaq istəmirəm. Ancaq xatırlayırsınızsa həmin oyunda xeyli qol imkanlarımız qaçmışdı. Komandam bu oyunun əhəmiyyətini anlayır. Biz daha çox təcrübəyə malik olmalıyıq. Çempionlar Liqası digər oyunlardan fərqlənir. Burada həyacan, gərginlik çox olur. Bilirik ki, hamı bu turnirdə oynayamaq istəyir. Bizim məsuliyyətimiz, həyəcanımız çoxalır.
