“Bilirdik ki, “Neftçi”ni boş buraxmaq olmaz”

"Rubin" – "Neftçi" oyunundan sonra keçirilən mətbuat konfransında Kazan klubunun çalışdırıcısı Qurban Berdıyevin səsləndirdiyi fikirlər belə olub:

"Əvvəla, bütün müsəlmanları bayram münasibətiylə təbrik edirəm. Dünən demişdim ki, “Neftçi” müdafiə olunmağı bacarır və əks-hücumları təhlükəlidi. Belə hücumlarından biri qolla nəticələnə bilərdi. Biz isə əlimizə düşən fürsətlərdən yararlana bilmədik.
Yeryomenko zədələnib deyə oynaya bilmədi.  Biz bilirdik ki, “Neftçi”ni boş buraxmaq olmaz. Onlara oynamaq imkanı versəydik, bizə çətin olardı. Bəzi imkanları var idi – qarşısını ala bildik. “Neftçi” haqda danışmaq istəməzdim. Əsasən, öz komandam barədə danışmalıyam.
“Anji”ylə oyunu düşünsəydim, daha çox oyunçuma istirahət verərdim. Avropa Liqası da bizim üçün əhəmiyyətlidi".