“Betis”də itki: İsko zədə səbəbindən oynaya bilməyəcək
29.12.2025 , 12:16
“Betis” klubunun təcrübəli yarımmüdafiəçisi İsko zədə ilə üzləşib.
Korner.az xarici KİV-ə istinadən xəbər verir ki, ispaniyalı futbolçu diz nahiyəsindən əməliyyat olunacaq.
33 yaşlı oyunçunun artroskopik cərrahi müdaxilədən sonra təxminən bir ay yaşıl meydanlardan uzaq qalacağı bildirilir. Zədə UEFA Avropa Liqasının ümumi mərhələsində Niderlandın “Utrext” klubu ilə keçirilən qarşılaşmada baş verib.
Qeyd edək ki, İsko cari 2025/26 mövsümündə iki oyunda forma geyinib və bir qol ötürməsi ilə yadda qalıb. Onun “Betis”lə olan müqaviləsi 2028-ci ilin yayına qədər qüvvədədir.
