“Xəzər Lənkəran” “Beşiktaş”ın müdafiəçisi İbrahim Toramanı heyətinə qatmaq fikrindədi.
Korner.az-ın məlumatına görə, cənubluların hələ qışdan maraq dairəsində olan İbrahim Toramanın yenidən cənublulara keçəcəyi ilə bağlı iddialar ortaya çıxıb. Mustafa Dənizlinin ardından Oğuz Çətinin də 32 yaşlı müdafiəçini istədiyi bildirilir.
Türkiyə yığmasının sabiq futbolçusu “ağ-yaşıllar”a mümkün keçidi haqda belə deyib:
“Oğuz hoca çox sevdiyim məşqçilərdən biridir. Türkiyə yığmasında məşqçim olub. Məni yaxşı tanıyır. Ancaq bilavasitə onun özü ilə bu haqda söhbətimiz olmayıb. O, menecerimlə əlaqə yaradıb, indi də onunla danışır. Ancaq hələ ortada konkret bir şey yoxdur. “Beşiktaş”la 1 illik müqaviləm qalıb. Ona görə də bu haqda ətraflı danışmaq istəmirəm”.
Qeyd edək ki, Türkiyə mətbuatının iddiasına görə, İbrahim Toraman “Xəzər Lənkəran”ın təklifini qəbul edərsə, ili 1,5 milyon avroya 2 illik müqavilə bağlayacaq.
Apasport.az
