“Beşiktaş”ın italiyalı hücumçusu klubunu dəyişir
13.03.2025 , 14:55
“Beşiktaş”ın italiyalı hücumçusu Çiro İmmobile klubundan ayrıla bilər.
Korner.az xəbər verir ki, bu barədə Türkiyə mətbuatı məlumat yayıb.
Xəbərdə, 35 yaşlı futbolçunun mövsümün sonunda satılacağı bildirilib.
Təcrübəli oyunçunun xidmətində ABŞ və Səudiyyə Ərəbistan klublarının maraqlı olduğu iddia olunur.
Bu mövsüm “Beşiktaş”ın heyətində 32 matçda iştirak edən İmmobile, bu görüşlərdə 15 qol vurub və 3 məhsuldar ötürmə edib.
