“Beşiktaş”ın baş məşqçisi əməliyyat olundu
17.11.2025 , 14:30
“Beşiktaş”ın baş məşqçisi Sərgən Yalçın əməliyyat olunub.
Korner.az klubun mətbuat xidmətinə istinadən xəbər verir ki, məşqçi səhər saatlarında damar tıxanıqlığı səbəbindən uğurla əməliyyat olunub və damarına stend yerləşdirilib.
53 yaşlı mütəxəssisin vəziyyətinin yaxşı olduğu bildirilib.
Qeyd edək ki, Sərgən Yalçın bu ilin yayından “Beşiktaş”da çalışır.