Türkiyənin “Beşiktaş” klubu 2016-cı ildə son rəsmi matçını Ziraat Türkiyə Kuboku çərçivəsində “Boluspor”a qarşı keçirəcək.
Korner.az-ın məlumatına görə, “Beşiktaş” qalib gələcəyi təqdirdə qrupda xallarını 10-a yüksəldəcək və növbəti mərhələni özünə təmin edəcək.
Bildirilir ki, “Qara qartallar”ın şərəfini qoruyan Anderson Taliska zədəsini sağaldıb. Həmçinin, Aras Özbilizin də zədəsinin sağaldığı qeyd olunur. Hər iki oyunçu matçda iştirak edə bilər.
Xatırladaq ki, “Beşiktaş” – “Boluspor” matçı Bakı vaxtı ilə sabah saat 21:30-da start götürəcək.
