"Rəqiblər elədə güclü deyil. Komanda istədiyi nəticəni əldə edə bilər. Sadəcə bu oyunlara hazırlaşmaq lazımdı". Bu sözləri Korner.az-a açıqlamasında milli komandamızın baş məşqçisi Berti Foqts deyib.
Almaniyalı çalışdırıcı 17 yaşadək qızlar arasında dünya çempionatının Azərbaycanda keçiriləcək final mərhələsinin püşkatmasını dəyərləndirib:
"Püşk bizə elədə çətin rəqibləri qismət etmədi. Buna görədə oynamaq olar. Kolumbiya nisbətən güclüdür. Kanada isə KONKAKAF zonasının üçüncüsüdür. Nigeriya millisinə gəlincə bu ölkədə qadın futbolunun necə inkişaf etdiyindən xəbərim yoxdur. Lakin Nigeriya futbol ölkəsidir və sona kimi mübarizə aparıb istədiyinə nail olmaq mümkündür".
