DÇ-2014-ün seçmə mərhələsində keçirilmiş Azərbaycan – İsrail oyunundan sonra təşkil olunmuş mətbuat konfransında millimizin baş məşqçisi maraqlı açıqlamalar verib. Korner.az-ın məlumatına görə, almaniyalı çalışdırıcı heç-heçəni belə şərh edib:
"Futbolçular haqda xoş sözlər deyə bilərəm. Səhvə yol versək də, buna görə futbolçuları tənqid etmək fikrim yoxdur. Müdafiədən hücuma keçərkən yenə çatışmazlıqlar vardı. İlk qolu biz buraxdıq, ancaq sonradan bərabərlik qolunu vura bildik. Oyundan öncə keçirilən mətbuat konfransında demişdim ki, səhv etməsək, bu oyunu udacağıq. Ancaq səhv etdik və 1 xal qazandıq. İkinci hissədə meydançaya çıxan futbolçular özlərini yaxşı tərəfdən göstərdilər və bu, bizim ehtiyat qüvvəmizin olmasının təzahürüdür".
