"Oyundan razı qala bilmərəm. Çünki daha çox qol vurmalı idik. Bizi final mərhələsinə düşmək uğrunda mübarizədə güclü rəqiblərlə sınaq gözləyir. Buna görə də bəzən futbolçulardan çox şey tələb edirəm".
Korner.az-ın məlumatına görə, bu sözləri milli komandamızın baş məşqçisi Berti Foqts Lixtenşteynlə oyundan (1:0) sonra deyib.
Almaniyalı mütəxəssis qələbəni şərh edərkən daha sonra bunları dedi:
"Sağ cinahda bu gün Bədavi Hüseynov çıxış etdi. Gələcəkdə də ondan bu mövqedə yararlana bilərəm. Rəşad Sadiqov başa düşməlidir ki, belə bir vəziyyətdə risk etmək olmaz. Əminəm ki, o hər şeyi yaxşı anlayır. Bəlkə də hesab etdi ki, belə qol vurmaq olar. Ancaq növbəti matçlarda daha diqqətli olmalıdır”.
