Bernardo Silva mövsüm sonunda “Mançester Siti”dən ayrılır
20.11.2025 , 09:45
“Mançester Siti”nin futbolçusu Bernardo Silvanın mövsümün sonunda komandadan ayrılması gözlənilir.
Korner.az xəbər verir ki, portuqaliyalı yarımmüdafiəçi növbəti yay transfer pəncərəsində klubla yollarını ayıra bilər.
Klub rəhbərliyi Silvaya yeni müqavilə təklif etsə də, tərəflər ortaq məxrəcə gələ bilməyiblər. Bu səbəbdən 31 yaşlı oyunçu yayda “Mançester Siti”ni azad agent statusunda tərk edəcək.
Artıq bir neçə Avropa klubu Bernardo Silva ilə əməkdaşlıq etmək üçün ona rəsmi təklif təqdim edib.
Xatırladaq ki, Silva cari mövsümdə Premyer Liqada 11 matçda iştirak edib və 2 qol ötürməsi ilə yadda qalıb. Çempionlar Liqasında isə 4 oyunda forma geyinərək 1 dəfə fərqlənib.
