Benatiya yay transfer planlarını açıqladı
03.12.2025 , 20:28
“Marsel”in idman direktoru Mehdi Benatiya yay transfer dönəmi ilə bağlı açıqlama verib.
Korner.az xəbər verir ki, Benatiya xüsusilə “Napoli”nin yarımmüdafiəçisi Kevin De Bruyne və “Çelsi”nin müdafiəçisi Uesli Fofananın gündəmlərində olduğunu təsdiqləyib:
“De Bruyne barədə ciddi şəkildə düşünürdüm. O, “Napoli”də yaxşı oyun sərgiləyir. Mənim məqsədim onu dərhal transfer etmək deyildi, onunla görüşüb vəziyyətini, özünü necə hiss etdiyini öyrənmək istəyirdim. O, azad agent statusunda idi, lakin bu, tam sərbəst olduğu anlamına gəlmir. Sərbəst agentlərlə bağlı vəziyyətin necə işlədiyini yaxşı bilirik… De Bruyne ilə baş məşqçimiz arasında yaxşı uyğunluq ola biləcəyinə inanırdım”.
Benatiya əlavə edib ki, Uesli Fofana da “Marsel”in transfer hədəflərindən biri olub.
Xatırladaq ki, cari mövsümdə “Qarabağ” Çempionlar Liqasının 4-cü turunda Bakıda “Çelsi” ilə 2:2 hesablı heç-heçə edib, 5-ci turda isə “Napoli”yə səfərdə 0:2 hesabı ilə uduzub.
