Belçikalı “Milan”ı tərk edir
20.10.2025 , 10:00
İtaliyanın “Milan” klubu belçikalı hücumçu Divok Origi ilə yollarını ayırmağa hazırlaşır.
Korner.az xarici KİV-ə istinadən xəbər verir ki, tərəflər arasında müqavilənin qarşılıqlı razılaşma əsasında ləğvi ilə bağlı danışıqlar yekun mərhələyə çatıb.
Originin qış transfer pəncərəsi açıldıqda “Milan”ı tərk edəcəyi gözlənilir. Futbolçu ilə klub arasında artıq ilkin razılıq əldə olunub.
Xatırladaq ki, Origi 2022-ci ilin yayında “Liverpul”dan “Milan”a keçib. O, “rossonyerlər”in heyətində 36 oyunda meydana çıxaraq 2 qol vurub. Hücumçunun klubla müqaviləsi bu mövsümün sonuna qədər qüvvədədir.
