Premyer Liqanın 20-ci turunda “Sumqayıt”ı qəbul edəcək “Qarabağ” oyunun hazırlıqlarına başlayıb.
Korner.az-ın klubun saytına istinadən yaydığı xəbərə görə, Ağdam təmsilçisi bu gün iki məşq keçəcək. Baş məşqçi Qurban Qurbanov “Qəbələ”ylə sonuncu turun görüşündən sonra əsas heyətdə meydana çıxanlara bir günlük istirahət vermişdi.
“Qarabağ”ın yeni transferi Reynaldo da artıq məşqlərdə iştirak edir. “Anderlext”dən transfer olunan yarımmüdafiəçi Belçikadan gələrək komandanın çalışmalarına başlayıb.
Qeyd edək ki, “Qarabağ” – “Sumqayıt” oyunu fevralın 16-sı, saat 16:00-da Tofiq Bəhramov adına Respublika stadionunda keçiriləcək.
