Avropa Liqası qrup mərhələsi III turu çərçivəsində PAOK-u qəbul edən “Qarabağ” görüşdən qalib ayrılıb.
Korner.az-ın məlumatına görə, ağdamlılar yunanları 2:0 hesabı ilə məğlub edib.
Oyundan sonra keçirilən mətbuat konfransında PAOK-un baş məşqçisi Vladimir İviç jurnalistlərin suallarını cavablandırıb:
– Məğlubiyyətdən daha çox sizə təsir edən nə oldu?
– İlk dəqiqələrdən istədiyimiz oyunu qura bilmədik. Bu səbəbdən belə məğlubiyyət oldu. Açıq desək, bu nəticəni gözləmirdik. Daha yaxşı nəticəyə ümid edirdik. Heç nə gözlədiyim kimi olmadı. Səhvlərimizi gördük və onları götür-qoy edib yolumuza davam edəcəyik.
– Komandanın oyununa baxanda bəzi hallarda ouyun toparlamağa çalışdığını görərik. Sonradan yenidən oyunu itirirdi. Bunun səbəbi nədi?
– Bəli, ilk hissədə daha diqqətli idik. İki qol imkanımız oldu. Təəssüf ki, son olaraq qol vura bilmədik. Hər bir məğlubiyyət kimi bu məğlubiyyəti də öz üzərimə götürürəm. İstədiyimiz nəticə olmadı. Hər şey bizdən aslıdı. Vəziyyəti düzəldə bilərik.
- Komandada qələbə istəyi tam olaraq görünmürdü. Bunun izahatı avrmı?
– Tam qələbə hissinin göstərilməməsinə bəraət qazandıra bilmərik. Oyunumuz alınmadı.
– PAOK bu qrupda nəyə ümid edir?
– Qrup çətin qrupdu. Belə komandalarla bir qrupda oynamaq asan deyil. Rəqiblərimizin heyətində qiymətli oyunçular var. Hər şey özümüzdən aslıdı. Qarşıda 3 oyun gözləyir və bunlardan ikisi doğma meydanda olacaq. Bunu dəyərləndirməyə çalışacağıq.
