“Bavariya”nın 2 oyunçusu “Mançester Yunayted”də!
14.08.2024 , 12:36
“Mançester Yunayted” heyətini “Bavariya”nın iki ulduzu ilə gücləndirib.
Korner.az xəbər verir ki, Premyer Liqa klubu Münhen təmsilçisindən müdafiəçilər – Mattiys de Liqt və Noussair Mazrauini transfer edib.
Bu barədə klubun mətbuat xidməti məlumat yayıb.
Məlumatda, De Liqtlə 5+1 illik, Mazraoui ilə isə 4+1 illik müqavilə imzalandığı bildirilib.
İngiltərə mətbuatının yazdığına görə, “qırmızı şeytanlar” de Liqt üçün “Bavariya”ya 45 milyon avro ödəyəcək.
Bundan başqa, hər iki komanda arasında bağlanan razılaşmaya 5 milyon avro bonus ödənişi də daxil edilib.
Britaniya nəhəngi Mazraui üçün isə 15 milyon avro transfer haqqı və əlavə 5 milyon avro bonus ödəyəcək.
Mina Musayeva
