“Bavariya”da oktyabrın ən yaxşısı seçildi
12.11.2025 , 17:28
“Bavariya” Münhen oktyabr ayının ən yaxşı futbolçusunu müəyyənləşdirib.
Korner.az klubun rəsmi saytına istinadən xəbər verir ki, bu mükafata Harri Keyn layiq görülüb.
İngiltərə millisinin hücumçusu azarkeşlər arasında keçirilən səsvermədə 24 faiz səslə birinci olub. O, bu nəticə ilə komanda yoldaşları Lennart Karl (20,6 faiz) və Konrad Laymeri (19,4 faiz) qabaqlayıb.
Bu, Keynin “Bavariya”da ardıcıl ikinci dəfə bu mükafatı qazanmasıdır. 32 yaşlı futbolçu cari mövsümdə bütün turnirlərdə 17 matçda 23 qol vurub və 3 qol ötürməsi edib.
Qeyd edək ki, “Bavariya” Bundesliqada 10 turdan sonra 28 xalla turnir cədvəlinin zirvəsində qərarlaşıb.
