“Bavariya” Qvardiolanı Münhenə gətirir

Almaniyanın "Bavariya" klubu "Braslona" ilə yollarını ayıran Xosep Qvardiolanı komandanın sükanı arxasına gətirmək istəyir. Korner.az-ın məlumatına görə, bu barədə xəbəri “Bild” yayıb. Münhen təmsilçisi  41 yaşlı mütəxəssis üçün fəaliyyətə başlayıb. 

Qvardiolanın 2013-cü ildə “Bavariya”nın baş məşqçi postunu tutması nəzərdə tutulub. Hazırkı baş məşqçi Yupp Heynkesin isə istefa verəcəyi gözlənilir.

Qeyd edək ki, Xosep Qvardiola bu yaxınlarda İngiltərənin “Çelsi” klubunun ildə 13 milyon avroluq təklifini rədd edib. Onun “Bavariya”ya razılıq verməsində yeganə maneə kimi almanca bilməməsi göstərilir.