Azərbaycanın ən köklü klubu olan "Neftçi"nin ardıcıl ikinci mövsümdə qızıl medallar qazanmasından sonra klubun ünvanına çoxlu sayda təbrik məktubları daxil olur. Korner.az-ın klubun rəsmi saytına istinadən xəbər verir ki, yeddinci dəfə çempion tituluna yiyələnən flaqmanı bu dəfə planetin nəhənglərindən sayılan Almaniyanın "Bavariya" klubu təbrik edib.
Klubun idarə heyətinin sədri Karl Haynz Rummenigenin imzası ilə "Neftçi"nin prezidenti Sadıq Sadıqova göndərilən məktubda deyilir: Hörmətli cənab Sadıqov, "Bavariya" klubu adından, Azərbaycan Premyer Liqasının 2011-2012-ci il mövsümünün qalibi olmağınız münasibətilə təbrik etmək istərdim.
Xatırladaq ki, buna qədər "Neftçi"ni, İtaliyanın "Milan" klubu da təbrik etmişdi.
