Ötən gün “Maynts 05″i 2:0 hesabı ilə yenən “Bavariya” rekorda doğru irəliləyir.
Korner.az-ın məlumatına görə, Münhen klubu növbəti turda çempionluğunu elan edə bilər.
Belə ki, 26 turdan sonra “Bavariya”nın aktivində 74, “Borussiya”nın (Dortmund) aktivində isə 51 xal var. Ən yaxın izləyicisini 23 xal qabaqlayan Pep Qvardiolanın komandası XXVII turda “Hetra”nın qonağı olacaq. “Bavariya” bu oyunda qələbə qazansa, rəqibləri üçün əlçatmaz olacaq və sona 7 tur qalmış çempionluğunu elan edəcək. Bu isə Bundesliqa tarixində ilk olacaq.
Qeyd edək ki, “Bavariya” dünən Bundesliqada ardıcıl 18-ci qələbəsini qazanıb. Qvardiolanın komandası 51 oyundu məğlubiyyət acısı yaşamır.
