“Bavariya” Harri Keynlə müqaviləni uzatmaq istəyir
22.10.2025 , 17:33
“Bavariya” bu mövsümün yaxşı oyunçularından biri olan Harri Keynlə müqaviləni uzatmaq niyyətindədir.
Korner.az xəbər verir ki, Münhen klubu ingilis hücumçu ilə danışıqlara başlamağı planlaşdırır.
Klub Keynin yalnız fiziki qabiliyyətlərini deyil, həm də texniki oyununu yüksək qiymətləndirir və onun yaşından asılı olmayaraq uzun müddət yüksək səviyyədə çıxış edə biləcəyinə inanır.
32 yaşlı futbolçunun “Bavariya” ilə hazırkı müqaviləsi 2027-ci ilin ortalarına qədər davam edir.
