Cənubi Afrika Respublikasının “Mamelodi Sandaunz” klubunun baş məşqçisi Pitso Mosimane komandanın şərəfini qoruyan Xama Billiatla bağlı açıqlama verib.
Mütəxəssis hücumçunun “Qarabağ”a keçidinin reallaşmaq üzrə olduğunu bildirib: “Eşitdiyimə görə, onlar Billiata yaxşı pul verəcəklər. Xama bizimlə müqaviləni yeniləmədiyi üçün onunla görüşüb söhbət etməli oldum. Açıq danışsaq, Billiat bizə 5 gözəl il bəxş etdi. Artıq onu buraxmağın vaxtı çatıb”.
Qeyd edək ki, Billiat universallığı ilə seçilir. O, hücumun cinahlarında və mərkəzində oynayır. Bununla yanaşı, Xamanın hər iki ayağı işləkdir. O, 2013-cü ildən “Mamelodi Sandaunz”un formasını geyinən 27 yaşlı oyunçu Zimbabve millisinin üzvüdür.
