İspaniya La Liqasında mübarizə aparan “Barselona”nın sabiq braziliyalı futbolçusu Romario Neymarın Dünyanın ən yaxşı futbolçusu olduğunu deyib.
Korner.az-ın məlumatına görə, ESPN-ə danışan Romario:
“Neymar Braziliyanın ən böyük futbolçusudu. Messi və Ronaldoya hörmət edirəm. Lakin hal-hazırda Dünyanın ən yaxşı oyunçusu Neymardı. Ronaldo isə Messi və Neymardan da daha zəif oyunçudu”.
Xatırladaq ki, Neymar La Liqanın 29-cu turunda “Barselona” forması ilə 100 qol həddini keçən futbolçulardan biri olmağı bacarmışdı.
