“Xəzər Lənkəran” klubunda növbəti məşqçi təyinatı reallaşıb. Aleksis Plaza Anqulo uelsli baş məşqçi Con Toşakın yeni köməkçisi təyin olunub.
Korner.az-ın klubun rəsmi saytına istinadən verdiyi məlumata görə, 30 yaşlı ispan çalışdırıcı ilə 2 illik müqavilə imzalanıb.
Anqulo əfsanəvi holland futbolçu və futbol funksioneri Yohan Kroyff tərəfindən “Klub idarəetməsi” diplomu ilə təltif olunub. O, 2010-cu ildə “Barselona” klubuna prezident seçkilərində namizəd olub. Məşqçinin son iş yeri İspaniyanın “Sant Andreu” klubu olub.
