"Barselona" bu mövsüm La Liqa və ÇL – da uğur qazana bilməməsinə baxmayaraq qollarının sayına görə rekord göstəriciyə çatdı.
Korner.az-ın məlumatına görə, katalonların ulduz futbolçusu Lionel Messi bu mövsüm rəsmi görüşlərdə vurduğu 72 qolla statistikalarda böyük üstünlük qazanıb. Messi komandasının bu mövsüm vurduğu 101 qola 29 asistend edib.
"Barselona"nın digər üzvü Ses Fabreqas isə bu mövsüm komandasına 15 qol, 18 asistend ilə kömək edə bilib.
Katalonların yarımmüdafiədəki düşünən beyinləri Xavi 14 qol vurub, 12 asistend etdiyi təqdirdə, Andrey İnyesta isə bu mövsüm 8 dəfə rəqib qapılarına yol tapmağı bacarıb. İnyesta eyni zamanda komandasının vurduğu 10 qola köməklik göstərib.
Mövsümün əvvəlində "Udineze"ni "Barselona"ya dəyişən Aleksiz Sançez isə 15 qol vurub. 5 dəfə də asistend rolunu oynayıb.
